საბავშვო უნივერსიტეტის ზაფხულის სკოლა
თსუ 100
„ადამიანი, საზოგადოება და დედამიწა“
18 – 28 ივნისი, 11.00 – 14.00 სთ.
საბავშვო უნივერსიტეტის ზაფხულის სკოლა ორგანიზებულია თსუ უწყვეტი განათლების ცენტრის საბავშვო უნივერსიტეტისა და აბიტურიენტთა სამსახურის მიერ.
მოსწავლეები მოისმენენ თსუ-ის პროფესორების ლექციებს მეცნიერების სხვადასხვა დარგებიდან, ჩატარდება შეხვედრები და საუბრები მოწვეულ სტუმრებთან, საზოგადო მოღვაწეებთან, მწერლებთან. განხილული იქნება საზოგადოებისათვის აქტუალური თემები:
• უნივერსიტეტი და დამოუკიდებლობა
• წარმატების გაგება სკოლაში : მოსწავლე - მასწავლებელი - მშობელი;
• ადამიანი - ევოლუციის პროდუქტი;
• თანამედროვეობის მხატვრული და მეცნიერული მიღწევები;
• ადამიანის უფლებები;
• მოზარდი - ფსიქოლოგიური პრობლემები, დანაშაულის პრევენცია;
• ერთგვაროვანი და მრავალფეროვანი საზოგადოება - ავტორიტარიზმი და დემოკრატია;
• დედამიწის გლობალური ეკოლოგიური პრობლემები;
• ლოკალური ეკოლოგიური გამოწვევები და სხვ.
თითოეულ თემაზე მოსწავლეებს საშუალება ექნებათ ნახონ თემატური პრეზენტაციები და ფილმები, ჩაერთონ დისკუსიაში და დაასაბუთონ საკუთარი მოსაზრება.
სკოლაში მონაწილეობა შეუძლიათ მე -9, -10, -11 კლასების მოსწავლეებს. შერჩევა მოხდება სამოტივაციო წერილის საფუძველზე (იხ. სარეგისტრაციო ბმული).
მსურველებს შეეძლებათ თვალყური ადევნონ სკოლის მიმდინარეობას ლაივ რეჟიმში - თსუ საბავშვო უნივერსიტეტის ფეისბუკის გვერდზე - FB თსუ საბავშვო უნივერსიტეტი.
შესაძლებელი იქნება აგრეთვე დისკუსიაში ჩართვა ცალკეული თემის განხილვისას საბავშვო უნივერსიტეტის ფეისბუქ გვერდზე.
ზაფხულის სკოლაში მონაწილეობა უფასოა.
მსურველებს გთხოვთ, დარეგისტრირდეთ მითითებულ ბმულზე:
ზაფხულის სკოლა ჩატარდება:
18 – 28 ივნისს, 11.00 – 14.00 სთ.
ი.ჭავჭავაძის გამზ. N 1; თსუ პირველი კორპუსი, უწყვეტი განათლების ცენტრის შენობა (პირველი კორპუსის ბაღში), მეორე სართული, თსუ საბავშვო უნივერსიტეტი.
>>> ინფორმაციისათვის მოგვმართეთ: 597 222 616 ; junior@tsu.ge ; <<<
ზაფხულის სკოლის ხელმძღვანელები და პასუხისმგებელი პირები:
დოქტ. მარინა ლომოური, თსუ საბავშვო უნივერსიტეტის ხელმძღვანელი;
დოქტორანტი გიორგი გრიგოლაშვილი, აბიტურიენტთა სამსახურის უფროსი;
დოქტორანტი დემეტრე მოდებაძე, თსუ საბავშვო უნივერსიტეტის პროექტების კოორდინატორი.