თსუ საბავშვო უნივერსიტეტი & შპს "ფარნავაზი"
23 მარტი, 2018
15 მარტს თსუ საბავშვო უნივერსიტეტი ქობულეთის სკოლა შპს "ფარნავაზს" ესტუმრა. სტუმრობის მიზანი იყო სკოლაში დაგეგმილ საბუნებისმეტყველო კვირულში მონაწილეობა.
კვირეულის ფარგებში თსუ საბავშვო უნივერსიტეტის პროგრამების კოორდინატორმა, დოქტორანტმა დემეტრე მოდებაძემ სკოლის მოსწავლეებს გააცნო საბავშვო უნივერსიტეტის მიმდინარე პროგრამები და პროექტები, დაიგეგმა სკოლის ახალგაზრდა მკვლევართა კლუბის სამომავლო აქტივობები. უნივერსიტეტის ზუსტ და საბუნებისმეტყველო მეცნიერებათა ფაკულტეტის პროფესორმა იური პაპავამ და მაკრომოლეკულური ქიმიის ლაბორატორიის გამგე, დოქტორმა ელიზა მარქარაშვილმა თემატური ლექციები, პრაქტიკული მეცადიებები და სახალისო ცდები შეთავაზეს კვირეულში ჩართულ მოსწავლეებს.