ესეების კონკურსი

❗მოსწავლეთა საყურადღებოდ❗

ნიკო ნიკოლაძე - ეროვნული/ევროპული ღირებულებები 

ივანე ჯავახიშვილის სახელობის თბილისის სახელმწიფო უნივერსიტეტის საბავშვო უნივერსიტეტი და ფოთის მუნიციპალიტეტის მერია საჯარო და კერძო სკოლების მე-9-12 კლასების მოსწავლეებს სთავაზობს ესეების კონკურსს.

კონკურსანტმა უნდა შეადგინოს არგუმენტირებული ესე, ამისათვის:

შეარჩიოს ნიკო ნიკოლაძის მოღვაწეობის რომელიმე ასპექტი ან ეტაპი, მოახდინოს ძირითადი იდეის/დებულების ფორმულირება, განიხილოს ეს იდეა/დებულება ეროვნულ/ევროპულ ღირებულებათა კონტექსტში, გამოთქვას საკუთარი აზრი ამ იდეა/დებულებასთან დაკავშირებით (ეთანხმება თუ არ ეთანხმება), ახსნას თავისი პოზიცია (რატომ ეთანხმება ან არ ეთანხმება) და მოიყვანოს არგუმენტები და მაგალითები საკუთარი პოზიციის გასამყარებლად.

ესე შესრულებული უნდა იყოს სტანდარტულ Word-ის ფაილში, მაქს. 300 სიტყვა, შრიფტი sylfaen, ზომა 12. მითითებული უნდა იყოს მონაწილის სახელი, გვარი.

❗ ესეს გამოგზავნის ბოლო ვადაა 1 ნოემბერი ❗

შემაჯამებელი კონფერენცია გაიმართება ქალაქ ფოთში.

თსუ საბავშვო უნივერსიტეტი უზრუნველყოფს კონკურსის სამი გამარჯვებული მოსწავლის მგზავრობას ქ. ფოთში, დასკვნით კონფერენციაში მონაწილეობის მისაღებად.

დამატებითი ინფორმაციისათვის დაგვიკავშირდით: 

თბილისში: 597 222 616, ფოთში: 599 873 303.